Օծանելիք արտադրողները չեն սահմանափակվում հին բույրերով, այլ օրեցօր նորանոր բույրեր են ստեղծում, որոնք չեն զիջում Դիորի և Շանելի գլուխգործոցներին:
Օծանելիքները մեծ պահանջարկ են վայելում, առաջին հերթին, որակյալ PR աշխատանքի և գովազդային ծառայությունների շնորհիվ: Օծանելիքի որոշ ապրանքանիշեր մեծ ժողովրդականություն են վայելում, մյուսների անվանումները հանրությանը ընդհանրապես ոչինչ չեն ասում: Այս մասին հայտնում է «Բիրժեվոյ լիդերը»:
Այդ չափորոշիչով՝ վերլուծաբանները նշում են այն փաստը, որ Dior նորաձևության տունը, որը ԶԼՄ-ներում հիշատակվել է 739 անգամ, նոյեմբեր ամսվա վարկանիշի առաջատարն է: Dior-ն ամսեամիս ընդլայնում է Yandex որոնողական համակարգում գովազդների քանակը և այդ առումով զգալիորեն առաջ է մրցակիցներից:
ԶԼՄ-ներում 715 հիշատակումով երկրորդ տեղում Chanel-ն է: Եռյակը եզրափակում է Gucci-ն (344 ):
2012-ի նոյեմբերին վարկանիշի աութսայդերներն են դարձել Carolina Herrera-ն, որը հանրաճանաչ բրենդներից մեկն է, սակայն շարունակում է կորցնել ժողովրդականությունը սպառողների շրջանում ոչ բարձր PR ակտիվության պատճառով: Սպառողների հետաքրքրությունը նվազել է նաև օծանելիք Idylle և Vanitas ապրանքանիշերի նկատմամբ:
Ընդհանուր առմամբ՝ պարֆյումերների վարկանիշը նոյեմբերին, հոկտեմբերի համեմատ, զգալիորեն ընլայնվել է: Դա կարող է բացատրվել սուրբծննդյան տոների մոտենալով: Տոներին օծանելիքը առավել նախընտրելի նվերներից է:
Պարֆյումերիայի և կոսմետիկայի ռուսական շուկայի առաջնորդներն են Procter & Gamble, L’Oreal, Beiersdorf, Unilever, Schwarzkopf & Henkel, Colgate-Palmolive, Gillette և Oriflame միջազգային ընկերությունները:
