Грузия Online-ի փոխանցմամբ` Վրաստանի նախագահ Միխեիլ Սաակաշվիլին լրագրողների հետ զրույցում հայտարարել է, որ նաև փորձության ժամին չի լքի իր ժողովրդին.
«Այսօր Վրաստանում բարդ ժամանակներ են: Վրաստանում գնալով ավելի շատ մարդիկ են հասկանում, որ մեր երկիրը կանգնած է փորձության առջև: Վստահ եմ, որ այնպիսի պայմաններում, երբ բազում տարիների շինարարությունից հետո ուժեղանում է ավերման բնազդը, մեր ժողովուրդը թույլ չի տա ավերումներ:
Մեր երկիրը պետք է էլ ավելի զարգանա: Իմ կողմից ցանկանում եմ ասել, որ ես իմ ժողովրդի հետ եմ` թե՛ խաղաղ, թե՛ պատերազմական ժամանակ, թե՛ վերածննդի ժամանակ և թե՛ փորձության ժամին: Մենք պետք է պահպանենք միասնություն, հանգստություն, ամրություն և հավատ դեպի ապագա»:
