Թուրքական Doğan լրատվական գործակալության փոխանցմամբ՝ այն բանից հետո, ինչ Թուրքիան ամերիկյան Patriot զենիթա-հրթիռային համալիրներ ստանալու պահանջով պաշտոնապես դիմեց ՆԱՏՕ-ին, Նիդերլանդները սկսել է պատրաստվել դրանց առաքման գործընթացին:
Նիդերլանդների արտգործնախարար Ֆրանս Թայմերմանսն այդ կապակցությամբ մի շարք հանդիպումներ է ունեցել կառավարության ներկայացուցիչների հետ և նամակ է հղել խորհրդարանին: Դրական պատասխանի ստացումից հետո արտգործնախարարը հայտարարել է, որ Patriot համալիրներն ուղարկվելու են Թուրքիա՝ Սիրիայի հետ նրա սահմանին տեղակայվելու համար:
Նշվում է, որ Նիդերլանդները Patriot համալիրներ Թուրքիա է ուղարկել նաև 1991 և 2003 թվականներին՝ Պարսից ծոցի երկու պատերազմների ժամանակ: