Վրաստանի ՆԳՆ-ն չորեքշաբթի գիշերը փողերի լվացման մեղադրանքով ձերբակալել է Թբիլիսիի քաղաքապետ Գիգի Ուգուլավայի մոտ ընկեր, գործարար Գեգի Կելբակիանիին: Թբիլիսիում չեն բացառում, որ դրանով իսկ նոր իշխանությունները փորձում են ցնցել քաղաքապետի դիրքերը, որը համարվում է Միխեիլ Սաաակաշվիլիի շրջապատի ամենաուժեղ գործիչը և 2013-ի նախագահական ընտրությունների ամենահավանական թեկնածուն: Այս մասին գրում է Kommersant-ը:
NCC շինարարական ընկերության սեփականատեր Կելբակիանիին ձերբակալել են դատախազությունում ժամեր տևած հարցաքննությունից հետո: «Իմ պաշտպանյալին մեղադրում են նրանում, որ նա իբրև թե փող է լվացել իր սեփական ընկերությունում»,-լրագրողներին հայտնել է գործարարի փաստաբան Իրակլի Ժորժոլիանին: Գործարարին ազատազրկում է սպառնում՝ մինչև 12 տարի ժամկետով:
Շինարարական ընկերությունից բացի՝ Թբիլիսիում հայտնի Buddha-Bar ռեստորանների տիրոջ ձերբակալությունը միանգամից ուշադրություն է գրավել իր վրա, քանի որ Կելբակիանին համարվում է մայրաքաղաքի քաղաքապետի մոտ ընկերը: Ոչ վաղ անցյալում նա ղեկավարել է «Թբիլիսյան ջուր» քաղաքային ձեռնարկությունը , իսկ հիմա նրա ընկերությունը քաղաքապետարանի պատվերով մայրաքաղաքի կենտրոնական հրապարակում շինաշխատանքներ է իրականացնում:
Պատասխանելով այն հարցին, թե Կելբակիանիի ձերբակալությունը Թբիլիսիի քաղաքապետի «տակը փորելու » փորձ չէ՞, Արդարադատության նախարար Տեյա Ցուլուկիանին հասկացնել է տվել, որ այդ վարկածը զուրկ չէ հիմնավորումներից:
Գիգի Ուգուլավան համարվում է Բիջինա Իվանիշվիլիի նոր կառավարության ամենասկզբունքային քննադատներից մեկը:
