Մուսուլմանական գյուղի ավելի քան հարյուր բնակիչ է զոհվել՝ փորձելով փրկվել միջկրոնական հաշվեհարդարից: Նավակը, որում գտնվել են հիմնականում կանայք ու երեխաներ, շրջվել է՝ ուղևորներին շանս չտալով փրկվելու, հայտնում է Agence France-Presse-ը:
«Մենք ստացել ենք հաղորդագրություն, որ մոտ 100 կին ու երեխա, փորձելով փախուստով փրկվել գյուղից, խեղդվել են Դամպարում, երբ նրանց նավակը շրջվել է», պատմել են տեղի վարչակազմից:
Մուսուլմանների ու քրիստոնյաների միջև բախումները տեղի են ունեցել Դամպար քաղաքում, երկրի արևելքում: Բնակիչները փորձում էին փրկվել կոտորածից:
Ներկայումս փրկարարները զբաղվում են մարմինների որոնողական աշխատանքներով: Գյուղում սպանվել էր 12 մարդ:
