Android համակարգով սմարթֆոնների և պլանշետների «Կոնտակտներ» հավելվածի օրացույցում անսպասելիորեն հայտնվել է 11 ամիս: Android 4.2–ի օգտատերերը զրկվել են դեկտեմբերին ծննդյան օր կամ որևէ այլ միջոցառում նշելու հնարավորությունից:
Android–ի կայքի համաձայն՝ առանց Սուրբ ծննդի են մնացել Galaxy Nexus սմարթֆոնի, Nexus 7 և 10 պլանշետների օգտատերերը: 4.1.1 օպերացիոն համակարգում նման սխալներ չկան: Դեկտեմբերի կորուստը կարող է կապված լինել ծրագրի ինտերֆեյսի հետ: Google մշակող-ընկերությունն արդեն տեղեկացված է խնդրի մասին: Մինչ այդ Android 4.2 համակարգով սմարթֆոններ ունեցողները կարող են կիրառել «Օրացույց» հավելվածը, որն ընդունում է վերջին ամսվա գոյության փաստը:
