Լոս Անջելեսի «Նոկիա» կինոթատրոնում երեկ տեղի ունեցած 40-րդ American Music Awards երաժշտական մրցանակաբաշխության ժամանակ 18-ամյա Ջասթին Բիբերն արժանացել է միանգամից 3 մրցանակի՝ «Տարվա երգիչ», «Լավագույն փոփ/ռոք երգիչ» , իսկ նրա Believe ալբոմը ճանաչվել է որպես լավագույն փոփ/ռոք ալբոմ: Այս մասին հաղորդում է Reuters գործակալությունը: Մրցանակները տանելու համար նա բեմ է հրավիրել իր մայրիկին:
Բիբերը մեծ ճանաչում է ստացել YouTube-ում իր տեսահոլովակների շնորհիվ, որոնցում նա կատարում էր RnB ոճով հեղինակային երգեր: Ներկայում նա 3 ձայնագրված ալբոմ ունի, որոնք վաճառվել են 15 միլիոն ընդհանուր քանակով:
«Լավագույն կին կատարող» անվանակարգում հաղթող է ճանաչվել ամերիկուհի Քեթի Փերին: Լավագույն սկսնակ արտիստ է ճանաչվել կանադացի Կառլի Ռեյ Ջեփսենը:
Լավագուն ռեփ/հիփ հոփ կատարող անվանակարգում հաղթող է ճանաչվել ռեփեր Նիկի Մինաժը: Եվս մեկ մրցանակ նա ստացել է իր Pink Friday: Roman Reloaded ալբոմի («լավագույն ռեփ/հիփ հոփ ալբոմ») համար: Հարկ է նշել, որ Նիկի Մինաժը և Ռիհաննան առաջադրվել են ամենաշատ (յուրաքանչյունը 4) անվանակարգերում:
Ռիհաննան, համերգային շրջագայության պատճառով ներկա չի եղել մրցանակաբաշխությանը: Նրա Talk That Talk սկավառակը ճանաչվել է լավագույն R&B ալբոմ:
Արարողության ժամանակ Բիբերն ու Նիկի Մինաժը հանդես են եկել միասին և առաձին ելույթներով: Ցնցող ելույթ են ունեցել նաև հարավկորեացի ռեփեր PSY-ն և MC Hammer-ը:
Թեյլոր Սվիֆթը 5-րդ տարին անընդմեջ ճանաչվել է լավագույն քանթրի երգչուհի: Նույն անվանակարգում տղամարդկանց շարքից ընտրվել է Լյուկ Բրայանը:
Դեվիդ Գետան ստացել է շոուի առաջին էլեկտրոնային պարի երաժշտական մրցանակը: Բեյոնսեն լագավույնն է ճանաչվել R&B ոճում, Ադելը դարձել է լավագույն ժամանակակից չափահաս կատարող, իսկ Շակիրան՝ լավագույն լատինամերիկյան կատարող:
American Music Awards-ը անցկացվում է 1973 թվականից: Մրցանակաբաշխությունը փաստացի Grammy-ի և երաժշտական այլ մրցանակաբաշխությունների մրցակիցն է: Մրցանակի հավակնորդներին ընտրում են՝ ըստ իրենց կոմերցիոն հաջողության՝ հաշվի առնեկով սկավառակների վաճառքի ծավալը: Իսկ հավակնորդներից հաղթողին ընտրում են երկրպագուների քվեարկության միջոցով:
