Լիխտենշտեյնում կաթոլիկ եկեղեցին կդադարի լինել պետական: Դքսությունում պատրաստում են համապատասխան սահմանադրական ուղղումներ: Նոր համաձայնագրի ստորագրումը Սուրբ աթոռի հետ սպասվում է դեկտեմբերի սկզբին:
Rosbalt-ի փոխանցմամբ՝ օրենսդրությունում կամրագրվի բոլոր իրավաբանորեն գրանցված կրոնական համայնքների իրավահավասարությունը:
Բացի այդ, երկրի կառավարությունը առաջարկել է ներմուծել եկեղեցական հարկ: Օրենսդրական ուղղումների քննարկումը լանդթագում տեղի կունենա առաջիկա շաբաթներին:
Լիխտենշտեյնի 36.5 հազար բնակչության ավելի քան ¾-ը կաթոլիկներ են: