Եգիպտոսում նախագահ Աբդել Ֆաթահ ալ-Սիսիի երդմնակալության արարողության ժամանակ կանանց նկատմամբ սեռական ոտնձգություն իրականացնելու մեղադրանքով ձերբակալվել է 7 մարդ: Այս մասին հաղորդում է BBC-ն՝ վկայակոչելով երկրի ՆԳՆ-ն:
Ավելի վաղ համացանցում տեսանյութ էր տարածվել, որում նախագահի ընտրության տոնակատարության ժամանակ Կահիրեի Թահրիր հրապարակում բոլորի աչքի առաջ մերկացնում և բռնաբարում են մի կնոջ:
Հիշեցնենք, անցյալ շաբաթ Եգիպտոսում առաջին անգամ սեռական ոտնձգությունը ճանաչվեց քրեորեն պատժելի հանցագործություն, որի համար հնարավոր է մինչև 5 տարի ազատազրկում:
