Հունիսի 8-ին` ժամը 18.34-ին ահազանգ է ստացվել, որ Երևանի Ջրվեժի «Մայակ» թաղամասի թիվ 27 շենքից քաղաքացի է ընկել. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Արտակարգ իրավիճակների նախարարությունից տեղեկացմամբ` տեղում պարզվել է, որ 25-ամյա Մարինա Պողոսյանն ընկել է թիվ 27 շենքի բնակարաններից մեկի պատուհանից, ինչից տարբեր աստիճանի մարմնական վնասվածքներով հոսպիտալացվել է «Սրբ. Գրիգոր Լուսավորիչ» ԲԿ:
Բժիշկները տուժածի առողջական վիճակը գնահատել են բավարար:
