Գորիսում ընտրություններն ավարտված են: «Առաջին լրատվական»-ի հետ զրույցում թիվ 37 ընտրատարածքային ընտրական հանձնաժողովի նախագահ Արմեն Ստեփանյանը տեղեկացրեց, որ ընտրություններին մասնակցեցին 8212 ընտրող կամ ընտրողների 50.8 տոկոսը: Նախնական արդյունքների հրապարակումը կլինի ժամեր անց:
Հիշեցնենք, Գորիսում այսօր քաղաքապետ են ընտրում: Գորիսի քաղաքապետի պաշտոնի համար առաջադրված են Շանի ՍՊԸ տնօրեն, անկուսակցական Հրայր Յոլյանը և ՀՋԿ ՓԲԸ Գորիսի տեղամասի տնօրեն, ՀՀԿ կողմից առաջադրված Վաչագան Ադունցը: Նախապես կար տեղեկություն, որ գորիսեցիները մտադիր են բոյկոտել ընտրությունները, չմասնակցել դրանց, սակայն ավելի ուշ թե գրանցված թեկնածուները, թե ինքնաբացարկ հայտնած թեկնածուները կոչ արեցին գորիսեցիներին՝ մասնակցել ընտրությանն ու իրենց քվեն տալ նախընտրած թեկնածուի օգտին:
