Նախընտրական կրքերը թեժանում են: Բաթումում ծեծի են ենթարկվել «Ազգային միասնական շարժում» կուսակցության ներկայացուցիչները: Հերթական միջադեպը հրահրվել էր այնպիսի անձանց կողմից, ում կոչում են նախկին քաղբանտարկյալներ, ովքեր եկել էին նախկին իշխող կուսակցության հանդիպմանը ընտրողների հետ:
Գիգի Ուգուլավան, Գիգի Բոկերիան և Գիյա Բարամիձեն հանդիպում էին անցկացնում թատրոնի շենքի առաջ, իսկ ընդդիմադիրների միջև լեզվակռիվը վերաճել է բախման:
Հարկ է նշել, որ իրավապահ մարմինների ներկայացուցիչները այդպես էլ չէին եկել դեպքի վայր՝ բախումը կանխելու համար:
Ըստ ընդդիմադիր կուսակցության առաջնորդներից մեկի՝ Գիգի Բոկերիայի խոսքերի՝ «այդ հանգամանքը այն մթնոլոտի արդյունքն է, որը ստեղծել է իշխանությունը»:
«Իշխանությունները կոչ են անում հաշվեհարդար տեսնել քաղաքական ընդդիմադիրների հետ: Երկրում քաոս ու ագրեսիա է տիրում»,- նշել է քաղաքական գործիչը:
