Ամերիկյան Յուտա նահանգի Սոլթ Լեյք Սիթի քաղաքի ոստիկանության աշխատակիցը ուղարկվել է չպլանավորված արձակուրդի այն բանից հետո, երբ հրաժարվել է կատարել իր պարտականությունները ոչ ավանդական սեռական կողմնորոշում ունեցող մարդկանց շքերթի ժամանակ՝ հաղորդում է AP-ն:
Ոստիկանության աշխատակիցը, որի անունը չի հաղորդվում, 30 այլ աշխատակիցների հետ պետք է ապահովեր անվտանգությունը ու կարգավորեր Utah Pride Parade միջոցառման երթևեկությունը, որը կիրակի ընթանալու է Սոլթ Լեք Սիթիում:
«Մենք մեր վարչությունում կողմնակալություն ու նախապաշարվածություն չենք ընդունում, իսկ հանձնարարությունը մնում է հանձնարարություն: Թույլ տալ ոստիկանին որոշել կարո՞ղ է արդյոք ինքը զբաղեցնել իր դիրքը, թե ոչ, այն չէ, ինչ մենք կարող ենք հանդուրժել»,- հայտարարել է քաղաքային ոստիկանության պաշտոնական ներկայացուցիչ Լառա Ջոնսը: Նա հրաժարվել է հաղորդել ոստիկանի արարքի պատճառը:
Ինչպես նշում է գործակալությունը՝ հիմա ոստիկանը գտնվում է հարկադիր արձակուրդում և սպասում է ներքին հետաքննության արդյունքին:
