Նորմանդիայում դաշնակիցների զորքերի վայրէջքի 89-ամյա վետերան, բրիտանացի Բեռնարդ Ջորդանը փախել է ծերանոցից և նավով հատել Լա-Մանշի նեղուցը, որպեսզի մասնակցի Երկրորդ համաշխարհային պատերազմի առանցքային գործողություններից մեկի 70-ամյակին նվիրված հանդիսավոր արարողություններին: Այս մասին գրում է BBC-ն:
Նախկին զինվորականը հաստատությունը լքել է հինգշաբթի օրը: Ծերանոցի անձնակազմը դիմել է ոստիկանություն:
Վետերանները, որոնց նա հանդիպել է Նորմանդիայում, նրա մասին հայտնել են ոստիկանությանը՝ խոստանալով լավ նայել վերջինիս:
Բեռնարդ Ջորդանը այս պահին նավով վերադառնում է Բրիտանիա:
