Ամերիկացի հայտնի բիզնեսմեն, «Միսս Տիեզերք» մրցույթի սեփականատեր Դոնալդ Թրամփը ԱՄՆ նախագահ Բարաք Օբամային անվանել է երկրի պատմության բոլոր նախագահներից վատագույնը, հայտնի է դառնում է Twitter-ի նրա բլոգից:
«Օբաման, անշուշտ, երբևէ գոյություն ունեցած նախագահներից վատագույնն է: Կարծում եմ՝ հիմա նա որևէ լրիվ հիմար բան կանի, որպեսզի ցույց տա իր տղամարդկությունը»,- գրել է Թրամփը Twitter-ի իր բլոգում:
Ավելի վաղ Թրամփը Twitter-ում կատակել էր Բարաք Օբամայի արտաքին քաղաքականության վերաբերյալ:
«ՇՏԱՊ ՆՈՐՈՒԹՅՈՒՆՆԵՐ. Օբաման հենց նոր համաձայնագիր է կնքել Ռուսաստանի հետ: Նրանք կստանան Ֆլորիդան, Կալիֆոռնիան և մեր ոսկու պահուստները: Իսկ մենք կստանանք բորշչ և մեկ շիշ օղի»,- գրել է նա:
