Այսօր հանրապետությունում անցկացվում է «Հայոց լեզու և հայ գրականություն» առարկայի միասնական քննությունը: Այս տարի քննակենտրոններ մտավ շուրջ 7000 դիմորդ: Հայաստանում քննությունները մեկնարկեցին շուրջ 34 քննական կենտրոններում, որոնցից 10-ը՝ Երևանում: Քննակենտրոն էր գործում նաև Երևանի պետական բժշկական համալսարանում, որտեղ քննությունները մեկնարկեցին ճիշտ ժամը 09:30-ից:
«Առաջին լրատվական»-ը մինչ քննության մեկնարկը շրջեց քննական կենտրոնում: Դիմորդները մեզ հետ զրույցում ասացին, որ ինչպես ամեն տարի, այս տարի ևս խնդիրը շտեմարաններն են: Որպես այս առարկայից քննության դժվարություն՝ նշեցին հայոց լեզվի շտեմարաններում առկա անճշտությունները, սխալները և երկակի պատասխան ենթադրող հարցերը: Դիմորդների փոխանցմամբ՝ թեև անճշտություններն ուղղվել էին, սակայն միայն մի փոքր մասը, ուստի մնում է ակնկալել, որ թեստերում ընդգրկված չեն լինի խնդրահարույց հարցեր:
Առաջարկում ենք մանրամասներին ծանոթանալ տեսանյութի միջոցով:
