Հյուսիսային Կորեայում ձերբակալվել է ԱՄՆ քաղաքացի, որին մեղադրում են Աստվածաշունչը հյուրանոցի իր համարում թողնելու մեջ: Ինչպես ասվում է Կորեայի Կենտրոնական լրատվական գործակալության տարածած հաղորդագրության մեջ՝ նա կալանքի տակ է: Անցկացվում է հետաքննություն:
«Ապրիլի 29-ին որպես զբոսաշրջիկ Հյուսիսային Կորեա ժամանած ԱՄՆ քաղաքացին մեր երկրի օրենքները խախտող գործողություններ է կատարել»,- նշվում է այդ հաղորդագրության մեջ:
Ներկայումս Հյուսիսային Կորեայում արդեն ձերբակալվել է ԱՄՆ 3 քաղաքացի: Բացի վերոնշյալ դեպքից՝ մեկը ձերբակալվել է իր զբոսաշրջության վիզան պատռելու և «Ինձ ապաստան է անհրաժեշտ» բացականչության համար, մյուսը՝ «Ժողովրդական Հանրապետության նկատմամբ թշնամական ակցիաների»: Նա 2013-ի ապրիլի 30-ին դատապարտվել է 15 տարվա հարկադիր աշխատանքի:
Նրանց ազատ արձակման համար աշխատում է Փխենյանում Շվեդիայի դեսպանատունը, որն այնտեղ ներկայացնում է ԱՄՆ-ի շահերը:
