Vertu-ն, որը հայտնի է իր թանկարժեք հեռախոսներով, հայտարարել է Signature Touch-ի՝ լյուքս դասի ամենահզոր սմարթֆոնի թողարկման մասին, գրում է style.rbc.ru-ն:
Vertu-ի բոլոր սարքավորումները ձեռքով են հավաքվում և բաղկացած են բարձրորակ նյութերից, իսկ դիզայնը յուրահատուկ է և միշտ ճանաչելի: Սարքավորումների միակ թերությունը հզորությունն է, որը չի կարող մրցել iPhone 5S, Samsung Galaxy S5 և HTC One M8 սմարթֆոնների հետ: Ավելի ճիշտ, մինչև այժմ չէր կարող մրցել:
Signature Touch-ը աշխատում է Android օպերացիոն համակարգի վերջին՝ Android 4.4 KitKat տարբերակով: Դա նշանակում է, որ օգտագործողը կարող է օգտվել գրեթե բոլոր բջջային հավելվածներից, փոստային և սոցցանցերից անգամ եռաչափ խաղերից:
Signature Touch-ում ներդրված է Qualcomm Snapdragon 800 պրոցեսորը: Նմանատիպ պրոցեսոր է տեղադրված, օրինակ Sony Xperia Z-ի՝ շուկայի ամենահզոր սմարթֆոններից մեկի վրա:
Սմարթֆոնը հագեցած է 4,7 դյույմանոց Full HD էկրանով, պիքսելների խտությունը առավելագույնն է՝ 473 ppi:
Արտաքնապես սարքավորումը Vertu-ի ոճով է պատրաստված: V-կտրվածքի տիտանե կաղապար, որը պատված է բնական կաշվով, այն խիստ և գեղեցիկ տեսք ունի, ոչ մի ավելորդ բան:
Ապարատի վրա տեղադրված է Bang & Olufsen ձայնային համակարգը:
Signature Touch-ը 13 մեգապիքսելանոց տեսախցիկ ունի, որը արտոնագրված է Hasselblad ընկերության կողմից:
Signature Touch-ը Vertu-ի համար հսկայական քայլ է դեպի առաջ: Բրիտանական ընկերությունն ապացուցել է, որ luxury դասի հեռախոսը ոչ միայն գեղեցիկ և թանկարժեք կարող է լինել, այլև ժամանակակից:
