Բուենոս Այրեսի արվարձանում թմրավաճառականները թմրանյութերի պահեստը պահպանելու «պահակ» են կարգել խոշոր անակոնդային: Նրանց ձերբակալման ժամանակ օձի չեզոքացման համար ոստիկանները ստիպված են եղել կանչել կենսաբանների: Այս մասին հայտնում է տեղի Infobae կայքը:
Դեպքը տեղի է ունեցել մայրաքաղաքից արևմուտք գտնվող Գոնսալես Կատան բնակավայրում: Ոստիկանները տեղեկություն էին ստացել այն մասին, որ տներից մեկում պահվում է Պարագվայից մատակարարված մարիխուանա և կոկաին:
Հսկա անակոնդան քնած է եղել թմրանյութերի պարկերի վրա: Պարկերն առգրավելու համար մասնագետներ են կանչվել:
Երբ կենսաբաններն անակոնդային տեղավորել են հատուկ վանդակում, ոստիկաններն առգրավել են մոտ 6 կգ մարիխուանա, 0.5 կգ կոկաին, հրազեն և կանխիկ գումար:
Ոստիկանությունը ձերբակալել է տան տերերին, իսկ անակոնդային հանձնել մասնագետներին:
