Բրազիլիայում շուտով մեկնարկելիք ֆուտբոլի աշխարհի առաջնությանը մասնակցելու են այնպիսի երիտասարդ ֆուտբոլիստներ, որոնք ապագայում զարդարելու են համաշխարհային ֆուտբոլի երկնակամարը: Համաշխարհային ֆուտբոլի գլխավոր ստուգատեսը այդ ֆուտբոլիստների տաղանդների դրսևորման փայլուն հարթակ է:
Ռուսական Sportbox.ru կայքը ներկայացրել է «Մունդիալ-2014»-ին մասնակցող երիտասադրդ ֆուտբոլիստների խորհրդանշական հավաքականը, որը ներկայացնում ենք ձեր ուշադրությանը.
Դարպասապահ՝
Մատիա Պերին (Իտալիա, 21 տարեկան)
Աշխարհի առաջնության ամենաերիտասարդ դարպասպահներից մեկը դեռևս ոչ մի հանդիպում չի անցկացրել Իտալիայի հավաքականի կազմում: Պերինի համար շատ դժվար կլինի, եթե ոչ անհնարին, տեղ գտնել «սկուադրեաձուրա»-ի հիմնական կազմում, քանի որ այդ տեղը անձեռնմխելի է և պատկանում է Ջիանլուիջի Բուֆոնին: Ի դեպ, Մատիա Պերինին արդեն շատերը համարում եմ Բուֆոնի հետնորդ:
Պաշտպաններ՝
Լյուկ Շոու (Անգլիա, 18 տարեկան)
«Սաութհեմթոն»-ի երիտասարդ պաշտպանի համար շատ թեժ պայքար է ծավալվել անգլիական գրանդ ակումբների միջև: Հավաքականի կազմում Շոուն դեռևս 45 րոպե խաղաժամանակ է ստացել:
Ռաֆաել Վառան (Ֆրանսիա, 21 տարեկան)
Վառանին, թերևս, կարիք չկա ներկայացնելու: «Ռեալ»-ում նրա ֆատաստիկ խաղին բոլորն են ականատես եղել: Վառանը աշխարհի ամենատիտղոսակիր երիտասարդ պաշտպաններից մեկն է: Նա մեծ շանսեր ունի Ֆրանսիայի հավաքականի հիմնական կազմում հանդես գալու համար:
Խոսե Խիմենես (Ուրուգվայ, 19 տարեկան)
Երիտասարդ կենտրոնական պաշտպանը համարվում է ոչ միային իր ազգային հավաքականի, այլը իր թիմի՝ Մադրիդի «Ատլետիկո»-ի ամենախոստումնալից ֆուտբոլիստներից մեկը, սակայն դեռ Խիմենեսը դժվար թե կարողանա հավակնել տեղի հիմնական կազմում:
Մատիա դե Շիլյո (Իտալիա, 21 տարեկան)
«Միլան»-ի երիտասարդ պաշտպանը վստահություն է վայելում Իտալիայի հավաքականի գլխավոր մարզիչ Չեզարե Պրանդելիի կողմից: Դե Շիլյոյի ծառայություններով հետաքրքրված է անձամբ Կարլո Անչելոտին:
Կիսապաշտպաններ՝
Բերնարդ (Բրազիլիա, 21 տարեկան)
Երիտասարդ կիսապաշտպանի տրանսֆերի համար Դոնեցկի «Շախտյոր»-ը բավական մեծ գումար վճարեց (25 միլիոն եվրո): Բերնարդը Բրազիլիայի հավաքականի ամեներիատասարդ ֆուտբոլիստն է, բայց դա չի նշանակում, որ տաղանադաշտ կիսապաշտպանը պատրաստվում է պահեստայինների նստարանից հետևել իր ավագ ընկերների խաղին:
Գրանիտ Ջակա (Շվեյցարիա, 21 տարեկան)
Մյունխենգլադբախի «Բորուսիա»-ի փլեյմեյքերը իր հաստատուն տեղը ունի Շվեյցարիայի հավաքականի հիմանական կազմում: Ալբանական արմատներով շվեյցարացին փայլուն անցկացրեց «Մունդիալ-2014»-ի ընտրական փուլը և ամենայն հավանականությմաբ, կփորձի իրեն փայլուն դրսևորել նաև բրազիլական խաղադաշտերում:
Պոլ Պոգբա (Ֆրանսիա, 21 տարեկան)
Պոգբան իր երիտասարդ տարիքում արդեն համարվում է աշխարհի ամենաթանկարժեք ֆուտբոլիստներից մեկը: Նրա տրանսֆերային արժեքը կազմում է 45 միլիոն եվրո: 2013 թվականի աշխարհի լավագույն երիտասարդ ֆուտբոլիստը «Մունդիալ-2014»-ում կփորձի հերթական անգամ ֆուտբոլային հանրությանը հիացնել իր կառուցողական խաղով:
Ադնան Յանուզայ (Բելգիա, 19 տարեկան)
Դեռևս 1 տարի առաջ այս ֆուտբոլիստը շատ նեղ շրջանակներում էր հայտնի, սակայն այս մրցաշրջանում «Մանչեսթեր Յունայթեդ»-ի առաջին թիմում մեկը մյուսի հետևից անցկացրած ֆանտաստիկ հանդիպումները թույլ տվեցին Յանուազային դառնալ երիտասարդ ֆուտբոլիստների մեջ ամենաճանաչվածներից մեկը: Ադնան Յանուզայը հրավարներ էր ստացել մի քանի հավաքականներից, բայց ֆուտբոլիստի ընտրությունը կանգ առավ Բելգիայի ազգային ընտրանու վրա, որի կազմում էլ կմեկնի Բրազիլիա:
Հարձակվողներ՝
Սոն Խին Մին (Հվ. Կորեսա, 21 տարեկան)
Հարավային Կորեայի հավաքականի գլխավոր աստղը ազգային ընտրանու կազմում իր նորամուտը նշել է 2011 թվականին 18 տարեկան հասակում: Այս «Մունդիալ»-ին ֆուտբոլիստը իր հավաքականի գլխավոր հույսն է և նա ամեն ինչ կանի այդ հույսերը արդարացնելու համար:
Ռոմելու Լուկակու (Բելգիա, 21 տարեկան)
Նայելով այս ֆուտբոլիստին՝ դժվար է հավատալ, որ մայիսին լրացավ նրա 21-րդ տարեդարձը: Բայց ինչ կարող ես ասել, երբ այսքան երիտասարդ տարիքում Լուկակուն ֆուտբոլային հասունություն է դրսևորում: Նրա ֆանտաստիկ խաղը ԱՊԼ-ի այս մրցաշրջանում հիացրեց ֆուտբոլի երկրպագուներին: Լուկակուն, ամենայն հավանականությամբ, այդ բարձր մակարդակը կփորձի պահել նաև «Մունդիալ-2014»-ի խաղերին:
