Կատալոնական «Բարսելոնա»-ն շարունակում է ջանքեր գործադրել` Մադրիդի «Ատլետիկո»-ի կիսապաշտպան Կոկեի իրավունքներն ամառային տրանսֆերային պատուհանի ընթացքում ձեռք բերելու նպատակով: Տեղեկությունների համաձայն` կատալոնացիները պատրաստ են 40 մլն եվրո վճարել Կոկեի տրանսֆերի դիմաց:
«Կապտանռնագույններ»-ի ղեկավարները հուսով են, որ կարող են համաձայնության հասնել «Ատլետիկո»-ի հետ` նշված գումարով ֆուտբոլիստի տրանսֆերը ձեռք բերելու հարցում, չնայած Կոկեի պայմանագրով նախատեսված հրաժարագինը 60 մլն եվրո է կազմում: Բացի այդ, կիսապաշտպանի ծառայություններով են հետաքրքրված «Մանչեսթեր Յունայթեդ»-ն ու «Չելսի»-ն:
Իսպանիայի հավաքականի ֆուտբոլիստի տրանսֆերն իրականացնելու համար «Բարսելոնա»-ն մտադիր է ստանալ Սեսկ Ֆաբրեգասի իրավունքների վաճառքից, ում ծառայություններով հետաքրքրված են անգլիական որոշ ակումբներ: Նշենք, որ Կոկեն բազմիցս ասել է, որ չի պատրաստվում փոխել ակումբային գրանցումն առաջիկա տրանսֆերային պատուհանի ժամանակ:
