Ինչպես երևում է՝ Ջասթին Բիբերը մեծանում է: Երգիչը ներողություն է խնդրել 3 տարի առաջ իր արած ռասիստական բնույթի հայտարարությունների համար, հաղորդում է SPLETNIK.ru-ն:
2011 թ. երիտասարդ երգչի մասին Never Say Never անունով ֆիլմ են նկարահանել: Դրա հատվածներից մեկում երգիչը կիրառում է «նեգր» բառը՝ նկատի ունենալով սևամորթ բնակչությանը: Ընդ որում, այդ բառը կիրառում է մի քանի անգամ: Իհարկե, մոնտաժի միջոցով այդ կտորը ջնջվել է ֆիլմից, բայց օրեր առաջ տեսանյութը հայտնվել էր համացանցում: Ջասթինից մի քանի ժամ էր պահանջվել արձագանքելու համար:
«Երեխա ժամանակ ես չէի հասկանում որոշ բառերի ուժն և այն, թե որքան ցավ են դրանք պատճառում: Ես կարծում էի, որ ոչ մի բան չկա վատ բառերը կատակով կրկնելու մեջ, բայց չէի հասկանում, որ դա անդաստիարակություն է: Շնորհիվ ընկերներիս և ընտանիքիս, ես մեծացա ու ներողություն եմ խնդրում սխալներիս համար: Հիմա, երբ այդ սխալները ներկայացվեցին հանրությանը, ես նորից պետք է ներողություն խնդրեմ: Ես շատ եմ ցավում: Ես ընկերություն եմ անում բոլոր մշակույթների ներկայացուցիչների հետ և ներողություն եմ խնդրում վիրավորանքի կամ վնասի համար, որը հասցրել եմ իմ երեխայական սխալով»,- հայտարարել է երգիչը:
20-ամյա Բիբերը ասել է, որ այլևս երբեք նման բան չի կրկնվի:
