ԱԺ ԲՀԿ խմբակցության պատգամավոր Միքայել Մելքումյանը Էկոնոմիկայի նախարար Կարեն Ճշմարիտյանից հետաքրքրվեց՝ ինչպիսին է նրա վերաբերմունքը նախորդ տնտեսական զարգացումներին, քանի որ էկոնոմիկայի նախարարությունն ամենալոկոմոտիվ նախարարություններից մեկն է, տնտեսական աճի հիմքերում է կանգնած: Մելքումյանը նախարարին մի քանի հարց ուղղեց: «Դուք նշեցիք արդյունաբերության զարգացման հիմնադրամի մասին, դրան հատկացվում է շուրջ չորս հարյուր միլիոն դրամ տարեկան, խոսքը 2013 թվականի մասին է, ասեմ, որ 14 –ին 569 մլն դրամ է նախատեսված»,- ասաց նա:
Մելքումյանին հետաքրքրում էր՝ արտահանմանն ուղղված արյունաբերական ռազմավարական քաղաքականության իրագործման համար ինչ միջոցառումներ են նախատեսվում: Ճշմարիտյանը նկատեց, թե այդ միջոցառումներից է միջազգային ցուցահանդեսների մասնակցելը, միջազգային սերտիֆիկացման, դասընթացների մասնակցությունը: «Արտահանման վրա ազդող գործոնները շատ են՝ տարածաշրջանային զարգացումներ, աշխարհի տնտեսության մեջ գոյություն ունեցող տենդենցներին, առավել մրցունակ ապրանքների արտահանման զարգացում»,- ասաց նա:
ՀՆԱ-ի նախատեսված ու չկատարված տոկոսին անդրադառնալով՝ նա նախարարը նշեց, որ դրա համար բազմաթիվ պատճառներ կան, որն այնքան էլ պայմանավորված չէ գործունեությամբ կամ թերի գործունեությամբ: Ճշմարիտյանը նշեց, որ նոր է գնացել Ազգային ժողովից, բայց պատասխանեց, թե՝ ետ նայելով շատ առաջ չենք կարող գնալ: «Պատկերացրեք՝ մեքենան վարում եք ու անընդհատ հետ նայում, համաձայն եմ, որ հայելու մեջ պետք է մեկ-մեկ նայել, զգալ վտանգը, բայց միաժամանակ հակված եմ առաջ նայելու ու տրված դիրքից հնարավորինս առաջ գնալու»,- ասաց նա:
Մանրամասները՝ տեսանյութում: