Գերմանիայի հավաքականի հարձակվող Միրոսլավ Քլոզեն ընդգծել է, որ 2014 թվականի աշխարհի առաջնությունում իր նպատակներից մեկը բրազիլացի լեգենդար գոլահար Ռոնալդոյի ցուցանիշը գերազանցելն է:
Բրազիլիայի հավաքականի նախկին հարձակվողը Մունդիալների եզրափակիչ փուլերի պատմության մեջ լավագույն ռմբարկուն է` խփած 15 գոլով, իսկ նրան հաջորդում է «Լացիո»-ի 35-ամյա ֆուտբոլիստը, ում ակտիվում ներկա պահին գրանցված է 14 գոլ:
«Ինձ համար առաջին տեղում թիմի ընդհանուր շահերն են: Ես վստահ եմ, որ Գերմանիայի հավաքականը լավ ֆուտբոլ կցուցադրի: Դրա հետ մեկտեղ, չեմ թաքցնի, որ ցանկանում եմ գերազանցել Ռոնալդոյի ռեկորդը: Ես կունենամ դա անելու հնարավորություններ»,- Քլոզեի խոսքերը մեջբերում է Tmw-ն:
