«Հարավային հոսք» գազամուղի կառուցման քաղաքական որոշումն անհնար է այնքան ժամանակ, քանի դեռ Ռուսաստանը չի ճանաչել Կիևի իշխանություններին: Այս մասին հայտարարել է ԵՄ էներգետիկայի հարցերով եվրահանձնակատար Գյունտեր Էթինգերը՝ հաղորդում է Deutsche Welle-ը:
«Նման պայմաններում, երբ Ուկրաինայի արևելքում ստեղծված է քաղաքացիական պատերազմ հիշեցնող իրավիճակ, մինչև Մոսկվան չճանաչի Կիևի իշխանություններին, մեզ չի հաջողվի բանակցությունների միջոցով քաղաքական որոշման հասնել»,- հայտարարել է հանձնակատարը:
«Մենք կշարունակենք բանակցությունները, եթե ռուս գործընկերները հետևեն միջազգային իրավական պրակտիկային և պատրաստ լինեն համագործակցության՝ մեր էներգետիկ օրենսդրության հիման վրա»,- ընդգծել է Էթինգերը:
