Մեծ Բրիտանիայի սոցիոլոգները հետազոտություն են ներկայացրել, ըստ որի՝ մասնագիտացված գիմնազիաների անգլիական համակարգը նպաստում է սոցիալական շերտավորման ավելացմանը: Գիտնականների աշխատանքի ամբողջական տեքստը հասանելի է Լոնդոնի համալսարանի կրթության ինստիտուտի կայքում:
Իրենց հետազոտության ընթացքում սոցիոլոգները վերլուծել են 1961-1983 թթ. ծնված ավելի քան 2 500 մարդկանց եկամուտները: Գիտնականներն էական տարբերություն են նկատել ամենաաղքատների և հարուստների եկամտի միջև, որոնք դաստիարակվել են մասնագիտացված ուսուցման ծրագրերով: Սոցիոլոգները երկամուտների այդպիսի մեծ տարբերություն չեն գտել սովորական ընդհանուր կրթական դպրոցներում սովորած մարդկանց եկամուտների միջև:
Ըստ մասնագետների հետազոտության՝ մասնագիտացված ուսումնական հաստատությունների շրջանավարտների համար միջին ժամավճարի տարբերությունն ամենահարուստների 10%-ի և ամենաաղքատների 10%-ի միջև 2009-2012 թթ. կազմել է 16,41 ֆունտ ստերլինգ, մինչդեռ սովորական դպրոցների նախկին աշակերտների դեպքում այս ցուցանիշը հավասար է 12,33 ֆունտ ստերլինգի:
Բացի դրանից՝ գիտնականներն ուսումնասիրել են ավելի քան 40 000 տնային տնտեսությունների վիճակագրությունը և պարզել, որ ամենահարուստների և ամենաաղքատների եկամուտնրի միջև տարբերության մոտ 18%-ը բացատրվում է դպրոցի ուսուցման համակարգով:
Գիմնազիաների ամենահարուստ շրջանավարտները 1,31 ֆունտով ավելի քիչ են վաստակում մեկ ժամում, քան ընդհանուր դպրոցների ամենահարուստ շրջանավարտները, և նրանց շրջանում գերակշռում են տղամարդիկ, մինչդեռ գիմնազիաների ամենաաղքատ շրջանավարտները վաստակում են 0,87 ֆունտ ստերլինգով պակաս, քան նրանց սովորական դպրոցն ավարտած հասակակիցները, հիմնականում՝ կանայք: Գիմնազիաների և սովորական դպրոցների շրջանավարտների միջին աշխատավարձը գործնականում նույնն է՝ 8,59 և 8,61 ֆունտ ստերլինգ, համապատասխանաբար:
Այսօր Անգլիայում հաշվվում է ավելի քան 150 գիմնազիա:
