Chanel No 5 օծանելիքը լուրջ մտավախություններ է առաջացրել փորձագետների շրջանում: Օծանելիքի մեջ հայտնաբերվել է մի բաղադրիչ, որն, ըստ բժիշկների, կարող է ալերգիա հարուցել։ Այս մասին գրում է The Daily Mail-ը:
Ըստ 2006 թ. Եվրահանձնաժողովի սահմանած կարգի՝ 26 բաղադրիչներից թեկուզ մեկի, այդ թվում՝ վարդի յուղի, ծառի մամուռի, առկայության դեպքում այդ մասին պետք է նշվի տուփերի վրա՝ ալերգիկներին զգուշացնելով վտանգի մասին:
Իսկ օգտագործողների անվտանգության գիտական կոմիտեն ցանկանում է ընդհանրապես արգելել Chanel No 5-ին այդքան յուրահատկություն հաղորդող «ծառի» բույրը:
Բույրերի միջազգային ասոցիացիան ներկայացնում է իր հետաքննությունը. կարող են արգելվել նաև Miss Dior–ը, Guerlain-ը Shalimar-ն ու Thierry Mugler-ի Angel-ը:
Մասնագետներն ասում են, որ հնարավոր է վտանգավոր բաղադրիչների ցանկի ընդլայնում, որի մեջ կարող են հայտնվել ցիտրալը (պարունակվում է լիմոնի ու մանդարինի յուղերում), կումարինը, հասմիկը, վարդը:
Ֆրանսիացի պարֆյումերները վստահ են, որ եթե ցանկը հաստատվի, ապա պարֆյումերիան կմեռնի:
Chanel No 5 օծանելիքը գոյություն ունի 1921-ից ու հայտնի է հասմիկի, վարդի, սանդալի ծառի ու վանիլի բույրերով:
