ԿՀՎ նախկին աշխատակից Էդվարդ Սնոուդենը հայտարարել է, որ մտադիր է դիմել Ռուսաստանի իշխանություններին՝ իրեն տրամադրված ժամանակավոր ապաստանի ժամկետը երկարացնելու խնդրանքով՝ ժամկետն ավարտվում է սույն թվականի օգոստոսի 1-ին: Այս մասին գրում է ITAR-TASS-ը:
Նա նաև հայտարարել է, որ իրեն հայրենասեր է համարում և ցանկանում է վերադառնալ ԱՄՆ: «Եթե ես կարողանայի գնալ աշխարհում ցանկացած վայր, ես կընտրեի վերադարձը տուն»,- նշել է Սնոուդենը:
Նրա խոսքերով՝ ԶԼՄ-ներին փոխանցելով Ազգային անվտանգության գործակալության՝ էլեկտրոնային լրտեսման մասին գաղտնի փաստաթղթերը՝ ինքը «գործել է իր երկրի շահերից ելնելով»:
