Բազմաթիվ աստղեր Twitter-ում միկրոբլոգներ ունեն, և շատ մարդիկ բաց չեն թողնում հարմար առիթը նրանց վիրավորելու համար:
Ժամանակ առ ժամանակ ABC-ի Jimmy Kimmel Live հաղորդաշարն անդրադառնում է խնդրին, ի մի բերում վիրավորանքներն ու ցույց տալիս, որ դրանք թիրախը խոցելու ուժ ունեն:
Սա հաղորրդաշարի նմանատիպ 7-րդ նախաձեռնությունն է: Այս անգամ թիրախում են Ջուլիա Ռոբերթսը, Էշթոն Քաթչերը, Քորթնի Կոքսը, Էնդի Գարսիան, Դոն Չիդլը, Մինդի Քալինգը, Դևիդ Բլեյնը, Դոն Ռիքլսը, Իթան Հոուքը, Մեթյու Մաքքոնահին, Ջուն Սքուիբը, Ջերեմի Փիվենը, Քիթ Հարրինգթոնը, Էմմա Սթոունը, Գերի Օլդմենն ու Սոֆյա Վերգարան: Օրինակ՝ օգտատերերից մեկը Ջուլիա Ռոբերթսի բերանը բավականին մեծ է համարում փիղ կուլ տալու համար: Օգտատերերից մեկին դուր չեն եկել Գերի Օլդմենի նյարդայնացնող շեշտադրումները:
