ԵՄ երկրներում ավարտվում են Եվրախորհրդարանի 2014-2019թթ. գումարման քառօրյա ընտրությունները, գրում է ITAR-TASS-ը: Ընտրատեղամասերն արդեն բացվել են 28 երկրներից 21-ում` Գերմանիայում, Ֆրանսիայում, Բելգիայում, Լյուքսեմբուրգում, Իսպանիայում, Պորտուգալիայում, Իտալիայում, Հունաստանում, Կիպրոսում, Ավստրիայում, Հունգարիայում, Ռումինիայում, Բուլղարիայում, Սլովենիայում, Խորվաթիայում, Լեհաստանում, Լիտվայում, Էստոնիայում, Շվեդիայում, Դանիայում և Ֆինլանդիայում:
Մայիսի 22-ին քվեարկություն է տեղի ունեցել Մեծ Բրիտանիայում ու Նիդերլանդներում, 23-ին` Իռլանիդայում ու Չեխիայում, 24-ին` Սլովակիայում, Լատվիայում և Մալթայում:
Ընտրությունների արդյունքները կհրապարակվեն միայն մայիսի 25-ին` Բրյուսելի ժամանակով 22:00-ին (Երևանի ժամանակով 0:00-ին, երկուշաբթի):
Եվրախորհրդարանի ընտրությունների համար 4 օր էր անհրաժեշտ, քանի որ յուրաքանչյուր երկրում դրանք անցկացվում են համաձայն տվյալ երկրի ազգային օրենսդրության:
