Եվրախորհրադարանի` Եվրամիության բարձրագույն օրենսդիր մարմնի ընտրությունները կիրակի մեկնարկել են Հունաստանում, Ռումինիայում և Ավստրիայում: Այս մասին գրում է France Press գործակալությունը:
Հունաստանում քվեարկություն տեղի կունենա առավոտյան ժամը 7:00-ից մինչև երեկոյան 19:00-ն: Դրան կարող են մասնակցել մոտ 9.9 ընտրողներ: Եվրախորհրդարանում Հունաստանը կներկայացնեն 21 պատգամավորներ:
Ռումինիայում ընտրական տեղամասերը կաշխատեն առավոտյան 7:00-ից մինչև երեկոյան 21:00-ն: Նշվում է, որ քվեարկությանը կմասնակցեն 18 մլն քաղաքացիներ, ովքեր պետք է ընտրեն 32 պատգամավորների:
Այսօր առավոտյան 8:00-ից մոտ 6.4 մլն ավստրիացի ընտրողներ իրավունք ունեն մասնակցելու Եվրախորհրդարանի ընտրություններին: Ավստրիայում ընտրատեղամասերը կփակվեն Երևանի ժամանակով 19:00-ին, սակայն արդյունքները կհրապարակվեն 23:00-ից ոչ շուտ: Ավստրիան պետք է ընտրի 18 պատգամավոր:
Կիրակի օրը Եվրախորհրդարանի ընտրություններ տեղի կունենան նաև Լիտվայում: Այդ երկու ընտրատեղամասերը կբացվեն Երևանի ժամանակով 08:00-ին: Ընտրություններին կարող է մասնակցել 2 մլն 536 հազար մարդ:
