Միշտ էլ ցավալի է լողափին մոռանալ նոր գնված արևային ակնոցը։ Հատկապես, եթե այն ընտրել եք շատ երկար և մանրազնին կերպով։ Բարեբախտաբար, ավստրալական Tzukuri ընկերությունը ակնկալում է դյուրացնել նույնիսկ ամենացրված մարդկանց կյանքը՝ գրում style.rbc-ն։
Ընկերությունը մշակել է առևային ակնոց, որն ունի փոքրիկ Bluetooth չիպեր։ Հատուկ հավելվածի օգնությամբ կարելի է ակնոցը սինխրոնացնել iPhone-ի հետ։ Եթե աքսեսուարից հեռանաք 5 մետրից ավելի, սմարթֆոնը կզգուշացնի բարձր ազդանշանով։ Դրանից բացի, հավելվածում կբացվի քարտեզ, որտեղ ցույց կտրվի այն կետը, որտեղ վերջին անգամ եղել է ակնոցը։
Ամենահետաքրքիրն այն է, որ որոնումն աշխատում է նաև հակառակ ուղղությամբ։ Եթե iPhone-ն ինչ-որ տեղ թողնենք և հեռանաք նրանից որոշակի տարածություն, հեռախոսը կզանգահարի՝ իր վրա ուշադրություն հրավիրելով։
