Նոր գնված ակնոցի կորուստը միշտ ցավալի է լինում: Հատկապես, եթե այն երկար ու մանրակրկտորեն եք ընտրել: Բարեբախտաբար, ավստրալական Tzukuri ընկերությունը հույս ունի թեթևացնել նույնիսկ ամենացրված մարդկանց կյանքը:
Ընկերությունը ստեղծել է արևային ակնոց, որի մեջ փոքրիկ Bluetooth-կրիչներ են տեղակայված, որոնք տնտեսող մարդկոցով են աշխատում: Հատուկ հավելվածի օգնությամբ հնարավոր է կապել ակնոցը iPhone-ի հետ: Եթե ակնոցից 5 մ հեռու գնաք, ապա սմարթֆոնը կզգուշացնի բարձր ազդանշանով: Նման իրավիճակ կստեղծվի 10 և 17 մ հեռավորությունների ժամանակ: Բացի այդ, հավելվածում քարտեզ կհայտնվի, որը ցույց կտա այն կետը, որտեղ գտնվում է ակնոցը:
Ամնահետաքրքիրն այն է, որ որոնումը հակառակ ուղղությամբ էլ է գործում: Եթե ինչ-որ տեղ թողնել iPhone-ը և հեռու գնալ որոշակի չափով, ապա հեռախոսը ազդանշան կարձակի ուշադրություն գրավելու համար:
Համակարգը կարող է իմանալ, թե երբ է մարդ գտնվում տանը կամ աշխատավայրում և անընդհատ ահազանգեր չի արձակի:
Որպես էներգիաի աղբյուր օգտագործվում է արևային էներգիան: Ինչ վերաբերում է արտաքին տեսքին, ապա վաճառքի կհանվի 6 մոդել, որոնցից յուրաքանչյուրն ինչ-որ հայտնի մարդու անուն կստանա՝ Ջոն Լեննոն, Թրումեն Կապոտե, Ջոն Քենեդի, Թոմ Ֆորդ, Գրեյս Քելլի, Աթիկուս Ֆինչ:
Խելացի ակնոցը կարժենա 350 դոլար:
