RIA Novosti-ն ներկայացնում է աշխարհի Համերաշխության թանգարաններն ու կենտրոնները.
ԱՄՆ
Սիմոն Վիզենթալի կենտրոնը (Simon Wiesenthal Center) ոչ պետական կազմակերպություն է, որը զբաղվում է նացիստական ռազմական հանցագործների որոնմամբ, հակասեմականության և ֆաշիզմի դեմ պայքարով, ուսումնասիրում է Եվրոպայի հրեաների ցեղասպանության պատմությունը: Կենտրոնը խոշորագույնն է հրեական իրավապաշտպան կազմակերպությունների թվում և հիմնվել է 1977թ-ին:
1993 թ. փետրվարին Լոս Անջելեսում Կենտրոնին կից բացվել է Համերաշխության թանգարանը (Simon Wiesenthal Center Museum of Tolerance), որի ցուցանմուշները պատմում են բնակչության խտրականության, քաղաքացիական իրավունքների համար պայքարի, 20-րդ դարում ազգային պատկանելության հողի վրա մարդկանց զանգվածային սպանության մասին: Ցուցադրության հիմնական մասը նվիրված է Հոլոքոստին: Թանգարանը ամեն տարի սպասարկում է 350 հազ. այցելուի:
Իսրայել
Յադ Վաշեմ հուշարձանային համալիրը կառուցվել է Երուսաղեմի Հիշատակի լեռան վրա: Նրա հիմնական նպատակը Հոլոքոստի մասին տեղեկությունների հավաքումն ու պահպանումն է:
Գերմանիա
Եվրոպայում ամենամեծը Բեռլինի Հրեական թանգարանն է (Jewish Museum): Այն բացվել է 2001 թ. և նվիրված է Գերմանիայում հրեա ժողովրդի պատմությանը: Թանգարանի արմատները գնում են 1933 թ., երբ առաջին անգամ բացվեց հրեական մշակույթի թանգարանը: Հիտլերի իշխանության գալուց հետո թանգարանը փակվել է, իսկ բոլոր ցուցանմուշներն առգրավվել են:
Լեհաստան
Էմանուել Ռինգելբլյումի անվան պատմության եվրոպական ինստիտուտը (Żydowski Instytut Historyczny) գիտահետազոտական ինստիտուտ է Վարշավայում, որը զբաղվում է Լեհաստանում հրեաների պատմության և գործունեության ուսումնասիրությամբ:
Ինստիտուտը հարուստ արխիվ ունի լեհական հրեաների պատմության վերաբերյալ, մասնավորապես՝ այստեղ է պահվում Ռինգեբլյումի արխիվը: Համալսարանի շենքում տեղակայված է հուդայականության թանգարանը: Այն նվիրված է Վարշավայի գետտոյի զոհերի հիշատակին: Թանգարանի արխիվում ներկայացված է 450 հազ. հրեաների ողբերգական պատմությունը:
Չեխիա
Պրահայի հրեական թանգարանը (Židovské Muzeum) հիմնվել է այն սինագոգների և թաղամասերի հիշատակի պահպանության համար, որոնք ավերվել են 20-րդ դարի սկզբին: Այն բացվել էր 1906 թ., սակայն Պրահայի օկուպացման ժամանակ փակվել էր: 1942 թ. նրա բազայի հիման վրա ստեղծվել է Անհետացած ռասայի թանգարանը, որ տեղափոխվել են 153 հրեական բնակավայրերից նմուշներ:
