Մադրիդի «Ռեալ»-ի գլխավոր մարզիչ Կարլո Անչելոտին հայտնել է, որ չի մտածում իր ապագային վերաբերող հարցերի մասին: Իտալացի մասնագետը նշել է, որ գոհ է «արքայական ակումբ»-ում իր գործերի ընթացքից:
«Չեմ մտածում ապագայիս մասին: Այն ոչ մի կապ չունի Չեմպիոնների Լիգայի գավաթի խաղարկության եզրափակիչի` «Ատլետիկո»-ի դեմ խաղի հետ:
Ցանկանում եմ շարունակել աշխատանքս ակումբում` անկախ Չեմպիոնների Լիգայի եզրափակիչի արդյունքից»,- Marca-ն մեջբերում է Անչելոտիի խոսքերը:
Հիշեցնենք, որ ավելի վաղ տարածված տեղեկությունների համաձայն` Անչելոտիի ծառայություններով հետաքրքրված է «Միլան»-ը:
