«Առաջին լրատվական»-ի զրուցակիցն է երգչուհի, ՀՀԿ խմբակցության պատգամավոր Շուշան Պետրոսյանը
-Տիկին Պետրոսյան, ի՞նչ է տեղի ունեցել այսօր ԱԺ-ում, ըստ մամուլի հրապարակումների՝ լրագրողներին անբարոյական եք անվանել: «Ազատություն» ռադիոկայանի լրագրողի հետ զրույցում ասել եք՝ դուք անբարոյական եք:
–Ինչպես ես կարող եմ կարգին լրագրողներին անբարոյական համարել, չէ՞ որ կան այդպիսիք և այդպիսիք իրենց աշխատանքով են պահում ոլորտը, որովհետև համատարած լիներ այն, ինչ ես այսօր ի նկատի ունեի, իսկ ես նկատի ունեի անբարոյական աշխատաոճը, մենք չէինք ունենա նորմալ լրատվություն, իսկ մենք ունենք այդ սյուները, և միայն հարգանք ու պատիվ նրանց, ինչպես և յուրաքանչյուր ոլորտի պրոֆեսիոնալի: Կան այդպիսիք, և բնավ պարտադիր չէ, որ այդպիսիք ինձնից հարցազրույց չեն վերցրել, ես կարդում եմ, ասում եմ հրաշալի հայերեն է, լավ միտք է: Ինչ վերաբերում է՝ այսօր «Ազատություն» ռադիոկայանի լրագրողը ինձ իսկապես շատ կիրթ և անթերի հայերենով հարց տվեց (իսկ ես միշտ հետևողական եմ նման հարցերում)՝ ինչպես կգնահատեք Վերնսիաժի դեպքերը: Ի՞նչ գնահատական կարելի է տալ վանդալիզմին: Հարցն ինձ զարմացրեց և ես խնդրեցի անջատել խցիկը, խցիկը անջատեցին: Եվ քանի որ այս մի քանի օրերին ես տեսնում եմ մամուլում ինչ է կատարվում, ցանկացած կայքի որոնման մասում գրում ես Շուշան Պետրոսյան և բերում է ստահոդ հոդվածներ, որոնք իրականությանը չեն համապատասխանում, շատ են վիրավորանքը, պատվերով գրված հոդվածները, և տեսնում ես սա դեղին է, սա շատ դեղին է, սա շատ խիտ դեղին մամուլն է և այլն, բայց այդ մասին չեմ քննարկում: Այնքան է եղել, ինձ ժպտադեմ մոտեցել են, հետո տեսել եմ, որ նա է այդ նողկալի հոդվածի հեղինակը: Սա աշխատաո՞ճ է:
Ինչ վերաբերում է «Ազատությանը», այս երկու տարիների ընթացքում երկու-երեք հարցազրույց եմ տվել, ինձ հարց են տվել, ես չեմ հետաքրքրվում ով է իմ առջև, հետո տեսնում եմ կտրում են, աշխատաոճ է, դրա համար իրենք գումար են ստանում, պատվեր են կատարում և այլն, բայց դա էլ մի կողմ զազրախոսությունները իմ ազատությունն ու իմ իրավունքն են: Եվ ես պահանջում եմ որ իմ ազատությունները և իմ իրավունքը պաշտպանված լինի և այդ զարզարախոսությունները նրանք պարտավոր են մաքրելու:
-Դիմե՞լ եք խնդրով:
-Բազմիցս դիմել եմ, բազմիս խնդրել եմ, որ հանեն այդ զարզարխոսությունները, հայհոյանքները, ես չգիտեմ՝ որքանով է հարիր հայ տղամարդուն խոսել իմ արտաքինից, իմ գիրությունից, թե երկրի միակ պրոբլեմը իմ գիրությունն է, ախր ծիծաղելի է։ Եվ թողնել հայհոյնաքներ, զազրախոսություններ, անեծքներ…հիշեք ինչ էին գրում վթարից հետո: Այդ թողնելը մի՞թե բարոյական աշխատաոճ է: Ես խոսում էի այս աղջկա հետ, ակտիվ հատնվեց «Չորրորդ իշխանությունից»մի պերսոնաժ, որ երկու տարի առաջ դրսևորել էր իմ հանդեպ, նա արագ մոտեցավ՝ ըստ իրեն էպիկենտրոնին, նա երկու տարի առաջ շատ տգեղ մի բան էր արել. պատուհանին հենված զրուցում էին մի ուրիշ լրագրողի հետ, որ մոտեցավ հարցով դիմեց, ասացի եթե կարելի է մի տասնհինգ րոպեից կմոտենաք կպատասխպանեմ, նոր եմ դուրս եկել դահլիճից, տոթ էր:Երեկոյան տպեց, որ ինքը դիմել է ինձ հարցով, և ես ասել եմ, որ այդ հարցին երբեք չեմ պատասխանի: Դա իմ առաջին ծանոթացումն էր, որ այսպիսի ժուռնալիստիկա էլ կա: Նա երկու տարի փախցնում էր աչքերը, իսկ այսօր, տեսնելով խոսում ենք, արագ մոտեցավ, և դիմելով իրեն ասացի՝ ինչ է եղել, խառնվել եք իրար: Ինքն ինձ վիրավորեց՝ ասելով, որ իրեն հարիր չի լինի, որ ինձնից ինտերվյու վերցնի, և ես էլ ասացի ինձ հարիր չէ, որ ձեզ պատասխանեմ: Ձայնագրությունը կա, այդ ամենը կարելի է ի վերջո ջրի երես հանել: Եթե ես վիրավորել եմ, ներողություն կխնդրեմ:
Ես երկու որդի եմ մեծացնում և այնպիսի կյանք եմ ապրում, որ յուրաքանչյուր հայ հաստատ կհպարտանար, որ ինչ-որ բան իրենից հետո թողնելու է այս երկրում:
Հարցազրույցն ամբողջությամբ՝ տեսանյութում:
