Գերագույն խորհրդի նախկին պատգամավոր Ազատ Արշակյանը և «Ազգային անվտանգություն» կուսակցության նախագահ Գառնիկ Իսագուլյանը ասուլիսին անդրադարձան վարչապետ Հովիկ Աբրահամյանի՝ գործարարների հետ հանդիպմանը:
Անդրադառնալով Հովիկ Աբրահամյանի՝ գործարարների հետ հանդիպմանը, Ազատ Արշակյանը նշեց, որ լավ կառավարման համար քարոզչություն միշտ պետք է:
«Մի քանի օր առաջ լսել եմ Հրանտ Բագրատյանի ելույթը: Նա, որպես մասնագետ, պրոֆեսիոնալ է, նա է ասում՝ խոստումնալից է վարչապետի արած հայտարարությունը»,-ասաց Ազատ Արշակյանը:
Գառնիկ Իսագուլյանը նշեց, որ երբ վարչապետը հայտարարում է՝ բոլորը պետք է սկսեն աշխատել օրենքով, ես էլ կաշխատեմ օրենքով, «կարծում եմ՝ այդ պահին նիստը պետք է ընդհատվեր, և քրեական գործ հարուցվեր վարչապետի նկատմամբ»:
Լուսանկարը` PAN Photo-ի
