Նյույորքյան Christie’s և Sotheby’s աճուրդի տները գրեթե միաժամանակ աճուրդի են հանում իմպրեսիոնիստների ու մոդեռնիստների աշխատանքները, ներառյալ Պաբլո Պիկասոյի, Կլոդ Մոնեի, Վասիլի Կանդինսկու գործերը: Այս մասին տեղեկացնում է ITAR-TASS-ը:
Նոյեմբերի 7-ին կայանալիք Christie’s-ի թոփ լոտը կդառնա Կլոդ Մոնեի հայտնի «Ջրաշուշաններ» կամ «Կժեր» շարքի նկարներից մեկը: Լոտի նախնական արժեքը 30-50 մլն դոլար է:
Աճուրդի մյուս ֆավորիտը Կանդինսկու «Իմպրովիզացիա 8-ի էսքիզն» է: Կտավն արվել է որպես 8 նկարից բաղկացած` «Իմպրովիզացիաներ» (1909) կոչվող շարքի նկարներից մեկի էսքիզ: Այն գնահատվում է 20-30 մլն դոլար:
Աճուրդում կներկայացվեն նաև այնպիսի հայտնի իմպրեսիոնիստների աշխատանքներ, ինչպիսիք են Գուստավ Կայբոտը, Ալֆրեդ Սիսլեյն ու Կամիլ Պիսարոն:
Sotheby’s աճուրդում նոյեմբերի 8-ին տեղի կունենա աճուրդ, որը կրում է «Իմպրեսիոնիզմն ու ժամանակակից արվեստը» խորագիրը:
Աճուրդի կհանվեն Պիկասոյի 9 աշխատանքներ: Աճուրդի թոփ-լոտը կդառնա երկու կտավ, որոնք պատկերում են նրա սիրեցյալին՝ Մարիա-Թերեզա Վալտերին:
Առաջին կտավը՝ «Նատյուրմորտ կակաչներով», գնահատվում է 35-50 մլն դոլար, երկրորդը՝ «Լուսամուտի մոտ կանգնած կինը», 15-20 մլն դոլար:
