Վրացական «Կվիրիս Պալիտրա» թերթի փոխանցմամբ՝ Վրաստանի նախագահ Միխեիլ Սաակաշվիլին օգտվում է երկու ինքնաթիռից ու մեկ ուղղաթիռից։ Վրաստանի պաշտպանության նախարարությունը հրաժարվել է ֆինանսավորել այդ ծախսերը:
Սաակաշվիլիի տրամադրության տակ են Challenger 850 և Gulfstream G450 ինքնաթիռները, որոնք անվանվել են «Սուխում»: Թերթի տվյալներով՝ երկրորդ ինքնաթիռը գնվել է անցած տարի՝ կապված առանց վայրէջքի տևական թռիչքներ իրականացնելու Սաակաշվիլիի ցանկության հետ:
Բացի այդ, Սաակաշվիլիի տրամադրության տակ է Eurocopter EC155 հարմարավետ ուղղաթիռը:
Հիշեցնենք, որ օրեր առաջ Վրաստանի պաշտպանության նախարար Իրակլի Ալասանիան հայտարարել էր, որ իրենց գերատեսչությունը 2013 թվականից այլևս չի վճարելու Սաակաշվիլիի անձնական ինքնաթիռի բյուջետային ծախսերը՝ ընդգծելով, որ ամսական դրանք կազմում են 800,000 լարի (մոտ 485,000 դոլար):
