CNN Türk-ի փոխանցմամբ՝ երեկ Անկարայում տեղի է ունեցել «Ազգայնական շարժում» կուսակցության (ԱԶԿ) 10-րդ համագումարը, որում գրանցվել են կուսակցության նախագահի ընտրություններ: Կուսակցության նախագահիւ պաշտոնին հավակնել են 10 թեկնածուներ, սակայն վերստին ԱՇԿ նախագահ է ընտրվել Դևլեթ Բահչելին:
Վերջինս քվեարկության ժամանակ ստացել է 725 քվե: Նրա մոտակա մրցակից Քորայ Այդինը ստացել է 441 քվե, իսկ Մուսավաթ Դերվիշօղլուն ստացել է ընդամենը 48 քվե: ԱՇԿ կոնգրեսին մասնակցում էր 1240 պատվիրակներից 1220-ը, որոնցից 6-ի քվեն ճանաչվել է անվավեր: Կուսակցության գլխավոր նախագահ ընտրվելու համար թեկնածուից պահանջվում էր ստանալ 621 քվե, և Բահչելին հաջողությամբ հաղթահարել է այդ շեմը:
Հիշեցնենք, որ Դևլեթ Բահչելին առաջին անգամ ԱՇԿ նախագահ է ընտրվել 1997 թվականի հուլիսի 6-ին և ցայժմ մնում է այդ պաշտոնում:
