Ռեալիթի շոուի աստղ Քիմ Քարդաշյանը երեկ Կալիֆորնիայում ներկա է գտնվել Սթիվեն Սփիլբերգի USC Shoah Foundation բարեգործական հիմնադրամի 20-րդ ամենամյա մեծ երեկոյին, որը ստեղծվել է ռասիզմի դեմ պայքարի և ցեղասպանության զոհերի պաշտպանության համար, հաղորդում է spletnik.ru։ Սփիլբերգն այդ հիմնադրամը բացել է «Շինդլերի ցուցակը» ֆիլմի նկարահանումներից հետո։
Միջոցառման հյուրերի թվում են եղել նաև ԱՄՆ նախագահ Բարաք Օբաման, Օկտավիա Սփենսերը և շատ ուրիշներ։ Գալա երեկոյի հիմնական նպատակն այս տարի դարձել է աջակցությունը Հայոց ցեղասպանությունից տուժածներին։
33-ամյա Քարդաշյանը երեկոյի համար ընտրել էր Alexander McQueen-ի բլուզ, Lanvin-ի նեղ մաքսի փեշ, Balmain-ի ժակետ և Bottega Veneta-ի կլաչ։
Միջոցառումից հետո Քիմ Քարդաշյանն Instagram-ի իր էջում տեղադրել է լուսանկար Հայոց ցեղասպանությունը վերապրած կնոջ հետ՝ կից գրառումով. «Պատիվ ունեմ ներկա գտնվել USC SHOAH հիմնադրամի միջոցառմանը և աջակցելու Հայոց ցեղասպանության վկաներին: Ես նստած եմ ամենաոգեշնչող մարդու՝ Հայոց ցեղասպանությունը վերապրած 100 տարեկան կնոջ կողքին»:
Բացի այդ, իր բլոգում Քարդաշյանը մտահոգություն է հայտնել ռասիզմի ու խտրականության վերաբերյալ. «Անկեծ խոստովանեմ, որ մինչև աղջկաս՝ Նորթի ծնունդը երբևէ լրջորեն չեմ մտածել ո՛չ ռասիզմի, ո՛չ խտրականության մասին։ Քանյեն միշտ չափազանց մտահոգված էր դրանով։Բայց վերջերս ես իմացա և նույնիսկ անձամբ զգացի մի քանի միջադեպ, որոնք իմ մեջ զզվանք առաջացրին և շատ մտահոգեցին։ Հասկանում եմ, որ ռասիզմն ու խտրականությունը դեռ կենդանի են։ Եվ դրանք նույնքան կործանարար ու ատելի են, որքան առաջ»։
