«Կառավարության կամ վարչապետի փոփոխությունը մեր երկրում ոչինչ չի կարող փոխել»,- անդրադառնալով նոր կառավարության կազմին՝ «Առաջին լրատվական»-ի հետ զրույցում ասաց ՀԱԿ պատգամավոր, ՎՍԴՀԿ ատենապետ Լյուդմիլա Սարգսյանը:
Նրա խոսքերով՝ անհասկանալի է, թե ինչ նպատակ է հետապնդել Սերժ Սարգսյանը՝ Գագիկ Խաչատրյանին սուպերնախարար նշանակելով․ «Մի մարդ այդքան լիազորություններ ունենա՞, մենք գիտենք նրա միջոցների մասին, նրա հարստացման ճանապարհը բոլորին է հայտնի, հետևաբար ակնկալել որևէ բան առայժմ այս կառավարությունից չի կարելի»,- ասաց պատգամավորը:
Մենք տիկին Սարգսյանին խնդրեցինք մեկնաբանել ԲՀԿ առաջնորդի՝ կուսակցության քաղխորհրդում հնչեցրած այն հայտարարությունը, որ մյուս համապետական ընտրությունները շրջանցելու են Մելիք-Ադամյան փողոցը: Արդյո՞ք ՀԱԿ-ը կսպասի մինչև հերթական ընտրությունները․ «Երբեք մի ասա երբեք, եթե քառյակի մյուս ուժերը նախագահի հրաժարականի պահանջ այսօր չեն դնում, վաղը կարող են դնել, հետևաբար պետք է համագործակցել, ընդհանուր մոտեցումներ ձևավորել ու քայլ առ քայլ գնալ առաջ: ՀԱԿ-ի նպատակը կար և այսօր էլ մնում է ամբողջական իշխանափոխությունը: Մենք այդ ճանապարհից չենք շեղվելու, մենք փորձելու ենք մեր ընկերներին բերել այդ դաշտ: Ավելի քան վստահ եմ՝ նրանք և՛ հասկանում են, և կողմ են ամբողջական իշխանափոխությանը, ուղղակի մոտեցումների տարբերություն կա»,- ասաց նա:
Մանրամասները՝ մեր տեսանյութում
