Ճապոնական Panasonic կորպորացիայի բաժնետոմսերը ընկել են 19%-ով, երբ ընկերությունը հաղորդել է , որ տարեկան 765 մլրդ իենի (մոտ10 մլրդ դոլար) կորուստ է ակնկալում: Այս մասին հաղորդում է Reuters գործակալությունը:
Panasonic-ի մեկ բաժնետոմսի գինը նվազել է՝ հասնելով 414 իենի: Ընկերության կապիտալիզացիան մեկ օրում ընկել է մոտ 3 մլրդ դոլարով: Դա վերջին 38 տարում ընկերության բաժնետոմսերի արժեքի ամենախոշոր անկումն է՝ նշում է Bloomberg-ը: Գործակալության տվյալներով՝ 1950 թվականից առաջին անգամ ընկերությունը որոշել է չվճարել շահաբաժինը:
Տարեկան կորուստների մասին ընկերության կանխատեսումը 30 անգամ գերազանցում է վերլուծաբանների սպասումները: Վերջին տարում Panasonic-ը կրճատել է 39 հազար աշխատատեղ:
Վատ են գործերը նաև Panasonic-ի մրցակիցների մոտ. Sony-ի բաժնետոմսերը ընկել են 5, իսկ Sharp-ինը՝ 2,3%-ով: