Արևմտյան մամուլի տեղեկատվության համաձայն՝ Քրեսիդա Բոնասը և արքայազն Հարին սիրում են միմյանց և կարող են կրկին միասին լինել: Հենց որ արքայազնը վերադառնա ԱՄՆ-ից, զույգը կրկին կքննարկի իրենց հարաբերությունները, գրում է Daily Mail-ը:
Աղբյուրները պարզել են նաև նրանց բաժանման պատճառը: Առաջին հերթին, արքայազնը հաճախ է նրան ակնարկել, որ եթե նա ցանկանում է թագավորական ընտանիքի կողմից ընդունված լինել, ապա ապագայում պետք է ավելի էլեգանտ լինի: Նման խոսակցությունները վեճերով են ավարտվել:
Բոնասին բարկացրել է նաև այն փաստը, որ իրեն չեն հրավիրել արքայազնների ընկերոջ հարսանիքի առիթով կազմակերպված տղաների հավաքույթին:
Ընտանիքի անդամներից մեկը հաղորդել է. «Հարին ցանկացել է զվարճանալ, իսկ Քրեսիդան համարել է, որ անիմաստ է այդքան երկար ճանապարհ անցնել՝ տեսնելու, թե արքայազնը ինչպես է ուրախանում գիշերային ակումբում: Նա վստահ է, որ Հարին ցանկանում է երեկույթների միայնակ գնալ: Սակայն Հարին իրեն լավ է պահել, որպեսզի ընկերուհուն ցույց տա, որ փոխվել է»:
Հարիի մեկնելուց մեկ օր առաջ լուսանկարիչները Քրեսիդային լուսանկարել են Սոհոյում: Չնայած պարելու նկատմամբ ունեցած սիրուն՝ նա ստիպված է եղել գրասենյակում 20 հազար ֆունտ ստերլինգով աշխատանքի անցնել: Նրան անընդհատ ասել են, որ հնարավոր չէ ելույթները համատեղել թագավորական ընտանիքի ադամի ընկերուհու կարգավիճակի հետ:
Ընկերների խոսքով՝ այժմ Հարին Քրեսիդային օրական 15 հաղորդագրություն է ուղարկում, և եթե չլիներ նրա ամերիկյան ճամփորդությունը, ապա նրանք արդեն միասին կլինեին:
Զույգը մինչև Ծննդյան տոները քննարկում էր հնարավոր հարսանիքը, սակայն հասարակության և ԶԼՄ-ների անհավանական ճնշումների ազդեցության տակ արքայազնի պլանները չեն իրականացել:
Այժմ Քրեսիդան և Հարին ցանկանում են ևս մեկ հնարավորություն տալ իրենց հարաբերություններին:
