«Առաջին լրատվական»-ի տեղեկություններով՝ մայիսի 1-ին Երևանում Արաբկիր վարչական շրջանում կատարվել է 26-ամյա երիտասարդի սպանություն: Ըստ մեր տեղեկությունների՝ «Արաբկիր» շտապ օգնության մեքենայով Ա. Խաչատրյան փողոցի 1-ին նրբանցքի թիվ 4 շենքի բակից դանակահարված և արդեն իսկ մահացած երիտասարդի դի է տեղափոխվել հիվանդանոց:
Ոստիկանությունից հաստատեցին «Առաջին լրատվական»-ի տեղեկությունը՝ հայտնելով, որ մահացած երիտասարդը նույն շենքի բնակիչ Ալբերտ Բժշկյանն է:
Ոստիկանությունը նաև պարզել է, որ նույն օրը՝ ժ.18.30-ին, Կոմիտասի պողոտայի թիվ 33 շենքի բակում գտնվող տաղավարում անհայտ անձը դանակով հարվածներ է հասցրել Ալբերտ Բժշկյանին: Վերջինս ստացած վնասվածքներից մահացել է:
Սպանություն կատարելու կասկածանքով բերման է ենթարկվել Դավիթաշենի բնակիչ 1991թ. ծնվ. Ավետիք Մնացականյանը: Նրա նկատմամբ խափանման միջոց է ընտրվել կալանքը:
Ա. Մնացականյանը տեղափոխվել է ՀՀ ԱՆ «Նուբարաշեն» ՔԿՀ:
