Բելգիայի Լևեն քաղաքի բանտի տնօրինությունը արդեն մեկ շաբաթ է՝ չի կարողանում գտնել բանալին, որով բացվում են 180 խցերի կողպեքները: Այս մասին հայտնում է ֆլամանդական Het Last Nieuws թերթը:
Անձնակազմը մտավախություն ունի, որ այն կարող է հայտնվել կալանավորներից մեկի մոտ:
Հաստատության տնօրինությունը փորձել է այդ միջադեպը գաղտնի պահել, սակայն առավել վտանգավոր հանցագործների խցերի կողպեքները հրատապ կերպով փոխելը չէր կարող վրիպել լրագրողների աչքից:
Բանալիների կույտը փնտրում են արդեն մեկ շաբաթ: Այնտեղ եղել են 180 խցերի ընդհանուր բանալին և ևս մեկը, որով բացվել են բանտային սեկտորները իրարից առանձնացնող դռները:
Թերթի տեղեկացմամբ՝ նման բանալիների կորուստը պետք է անմիջապես հայտարարվեր որպես արտակարգ պատահար, սակայն լևենյան բանտում իրավիճակը ձգձգվում է, հույս ունեն, թե կույտը կգտնվի: Դեռևս հայտնի չէ, թե վերջին անգամ ո՞վ է այն օգտագործել, և թե ինչպե՞ս կարող էր այն անհետանալ:
