Հարավային Կորեայի հարավ-արևելքում «Վոլսոն» ԱԷԿ-ի ռեակտորը ավտոմատ կերպով դադարել է աշխատել: Պատճառը կայանի անձնակազմի սխալ աշխատանքն է` այսօր հաղորդում են հարավկորեական ԶԼՄ-ները:
ԱԷԿ-ի առաջին ռեակտորի աշխատանքի վթարային դադարեցումը տեղի է ունեցել նախօրեին` երեկոյան տուրբիններից մեկի կանգնելու ազդանշանից հետո, հաղորդում է RIA Novosti-ն:
Ատոմակայանի Korea Hydro & Nuclear Power Co օպերատոր-ընկերության փորձագետները ռեակտորի ուսումնասիրությունից հետո եզրակացրել էին, որ տուրբինը դադարել է աշխատել աշխատակիցների մեղքով:
Պատահարի հետևանքով «Վիլսոնը» 12 րոպե աշխատել է վթարային գեներատորներով:
Սա շաբաթվա ընթացքում երկրորդ դեպքն է: Անցած կիրակի վթարային իրավիճակ էր ստեղծվել նաև «Ուլչին» ԱԷԿ-ում: Նախնական տեղեկությունների համաձայն՝ աշխատանքի կասեցման պատճառը տուրբիններից մեկում առաջացած անսարքությունն էր:
Հարավային Կորեայում գործում է 21 ռեակտոր: Մինչև 2022թ. երկրի կառավարությունը ծրագրում է կառուցել ևս 12 ռեակտոր:
