Վարշավայում ԵՄ-ի, Ուկրաինայի և Ռուսաստանի միջև գազի թեմայով բանակցություններն ավարտվել են, քանի որ կողմերն այդպես էլ չեն կարողացել ընդհանուր եզրահանգումների գալ: BBC-ի ռուսական ծառայության տեղեկացմամբ՝ այս մասին հայտարարել է ԵՄ էներգետիկայի հարցերով հանձնակատար Գյուտներ Էթինգերը:
«Մենք ծրագրում ենք անցկացնել լրացուցիչ ևս երկու եռակողմ հանդիպում՝ մայիսի կեսին և վերջին»,- նշել է նա:
Բանակցությունների ժամանակ Էթինգերն ընդգծել է բոլոր գործընկերների համար գազի միևնույն գինը տեսնելու Բրյուսելի ցանկությունը:
Ուկրաինայի էներգետիկայի նախարար Յուրի Պրոդանը կողմ է արտահայտվել եվրահանձնակատարի առաջարկին:
Ապրիլի սկզբից Ռուսաստանն Ուկրաինայի համար գազը սակագինը գրեթե կրկնակի բարձրացրել է: Կիևը դա համարում է քաղաքական ճնշման գործիք:
