Նշանավոր իմպրեսիոնիստ նկարիչներ Միրոյի, Մոնեի, Մատիսի ու Պիկասոյի աշխատանքների ցուցահանդես-աճուրդը Նյու Յորքում կբացվի ուրբաթ, հաղորդում է Sotheby’s աճուրդի տունը։
Աճուրդները տեղի կունենան մայիսի 7-ին։ Sotheby’s աճուրդին ներկայացված է 72 ստեղծագործություն, այդ թվում՝ Կլոդ Մոնեի, Ֆերնան Լեժեի, Ժոան Միրոյի, Էդգար Դեգայի, Ռոդենի և Մարկ Շագալի աշխատանքները։
Հայտարարված լոտերից ամենաթանկարժեքը կլինի Անրի Մատիսի «Առավոտյան սեանս» (Seance du matin, 1924) նկարը։ Նկարչի ստեղծագործության նիցցայական շրջանում ստեղծված կտավին պատկերված է նկարակալի առջև նստած նրա մոդել և օգնական Հենրիետա Դարիկարերը։ Կազմակերպիչներն ակնկալում են նկարի վաճառքից ստանալ 20-30 միլիոն դոլար։
Պիկասոյի 1934 թ. ավարտած՝ «Մարի Թերեզայի գլուխը» (Tete de Marie-Therese) աշխատանքը աճուրդի կազմակերպիչները նախնական գնահատել են 20 մլն դոլար։ Կտավին նկարչի մուսա և երիտասարդ սիրուհի Մարի Թերազա Վալտերի սյուրեալիստական դիմանկարն է։
