Մադրիդի «Ռեալ»-ի գլխավոր մարզիչ Կարլո Անչելոտին խոսել է Մյունխենի «Բավարիա»-ի հետ այսօր կայանալիք հանդիպման մասին:
«Հասկանում ենք, որ այսօրվա խաղը ծայրահեղ ծանր է լինելու: Մենք խաղալու ենք գերազանց հակառակորդի հետ, որի նկատմամբ նվազագույն առավելություն ունենք: Հիմարներ չենք, որ մեզ արդեն եզրափակչի մասնակից համարենք:
Լավ հիշողություններ ունեմ կապված այս մարզադաշտի հետ: Չեմ կարծում, որ մարտավարության տեսանկյունից խաղը տարբերվելու է առաջին հանդիպումից:
Խրթին սկսեցինք առաջին խաղը: Եթե նման կերպ վարվենք նաև այսօր, ապա կարող ենք լուրջ դժվարությունների առջև կանգնել: Յուրաքանչյուր ֆուտբոլիստ պետք է իր ողջ ուժերը թողնի խաղադաշտում, որպեսզի դուրս գանք եզրափակիչ:
Խաղադաշտում տեսնելու ենք երկու տարբեր խաղային փիլիսոփայություններ ունեցող թիմերի, որոնց կազմերում հանդես են գալիս գերազանց ֆուտբոլիստներ: Հենց դա է ֆուտբոլը դարձնում այդքան հիասքանչ:
Կարող ենք դուրս գալ եզրափակիչ, նույնիսկ եթե այլևս գոլ չխփենք: Բայց մենք ձգտելու ենք հարձակվել: Բազմաթիվ գոլեր ենք խփել Չեմպիոնների Լիգայում, Իսպանիայի առաջնությունում: Ցանկանում եմ, որ այդ միտումը շարունակվի»,- հայտարարել է Անչելոտին:
